Deireadh Seachtaine do Theaghlaigh atá ag tógáil Leanaí le Gaeilge
Sonraí Imeachta
𝐃𝐞𝐢𝐫𝐞𝐚𝐝𝐡 𝐒𝐞𝐚𝐜𝐡𝐭𝐚𝐢𝐧𝐞 𝐓𝐞𝐚𝐠𝐡𝐥𝐚𝐢𝐠𝐡 𝟐𝟏 𝐠𝐨 𝟐𝟑 𝐅𝐞𝐚𝐛𝐡𝐫𝐚 𝟐𝟎𝟐𝟓
Beidh deireadh seachtaine teaghlaigh ar siúl i gColáiste na Rinne i nGaeltacht na nDéise an 21-23 Feabhra 2025. Tá an t-imeacht seo á n-eagrú againn i gcomhpháirtíocht le Glór na nGael, Coláiste na Rinne agus Dún Garbhán le Gaeilge. Tá an deireadh seachtaine seo dírithe ar theaghlaigh le Gaeilge sa bhaile agus tabharfaidh sé deis do theaghlaigh ó fud fad na hÉireann teacht le chéile go spraíúil trí Ghaeilge.
An bhliain seo caite tháinig breis is 25 teaghlach thar trí glúin ó fud fad na tíre lena chéile chun blaisín a fháil de chultúr, canúint agus acmhainní nádúrtha an cheantar álainn Gaeltachta seo. I mbliana beidh idir ceardlanna amhránaíochta agus ealaíne, rith daite agus tógáil botháin, scéalaíocht agus siúlóid agus níos mó. Beidh spásanna teoranta agus moltar do theaghlaigh clárú roimh 10 Nollaig chun spás a chinntiú.
Cuairteoirí oíche:
Cuirfear béilte, lóistín agus na himeachtaí ar fáil ag na praghasanna seo ar leanas:
-€165 ar duine fásta
-€100 d’aon duine faoi 18
-Saor in aisce do pháistí faoi 2
-€500 do theaghlaigh le ceathrar (beirt duine fásta sa áireamh)
-€550 do theaghlaigh le cúigear nó níos mó (beirt duine fásta san áireamh).
Is gá éarlais €50 a íoc roimh an 10ú Nollag chun freastal ar an imeacht seo.
Cuirfear fáilte roimh chuairteoirí lae le béilí san áireamh ar chostas eile.
Cuairteoirí lae in aghaidh an lae:
-€45 ar duine fásta
-€25 d’aon duine faoi 18
-Saor in aisce do pháistí faoi 2
Beidh praghas speisialta i gceist do theaghlaigh Ghaeltacht na nDéise. Gach eolas ar fáil ó optnandéise@gmail.com. Is féidir le teaghlaigh áitiúil clárú anseo roimh 10 Nollaig 2024:
Is féidir le daoine gur mhaith leo fanacht thar oíche clárú anseo: https://form.jotform.com/243162596162357
is féidir le cuairteoirí lae clárú anseo:
Má tá tuilleadh eolais uait, is féidir leat teangmháil a dhéanamh le Elaine ag 086 165 5053 nó ag elaine@glornangael.ie. Nó, má tá cónaí ort i nGaeltacht na nDéise, déan teagmháil le Tomás ar 087 721 9721 nó optnandeise@gmail.com.
Tuilleadh
