Poist
Oifigeach Pleanála Teanga
Tá post mar Oifigeach Pleanála Teanga á thairiscint ag Comhlucht Forbartha na nDéise c.t.r. Duine fuinniúil, cumasach a bhfuil taithí aici/aige i gcur chun cinn na Gaeilge agus i bhforbairt phobail atá ag teastáil.
Is post ar chonradh trí bliana atá á thairiscint agus d’fhéadfadh go gcuirfí leis an tréimhse sin. Beidh an té a cheapfar freagrach as cur i bhfeidhm bearta an Phlean Teanga do Limistéar Pleanála Teanga Ghaeltacht na nDéise. Beidh an té a cheapfar fostaithe ag Comhlucht Forbartha na nDéise agus freagrach do Bhord an Chomhluchta maidir le clár oibre aontaithe a fheidhmiú.
Fáilteofar roimh iarratais ó dhaoine leis an taithí agus/nó na cáilíochtaí seo a leanas:
- Scileanna maithe teanga, idir labhartha agus scríofa;
- Tuiscint agus taithí mhaith ar bhainistiú tograí agus cúrsaí Gaeltachta;
- Tuiscint agus taithí mhaith ar obair le coistí/struchtúir phobail;
- Dírithe ar sonraí;
- Go maith ag obair mar chuid d’fhoireann;
- Scileanna maithe eagrúcháin agus ríomhaireachta;
- Scileanna maithe cumarsáide agus idirphearsanta;
- Teacht ar mhodh taisteal iontaofa chun na hoibre.
Beidh an duine a cheapfar lonnaithe in oifigí CFnaD i nGaeltacht na nDéise.
Post lánaimseartha é seo le huaireanta solúbtha agus beidh freastal ar chruinnithe taobh amuigh de ghnáth uaireanta oibre mar chuid de na cúraimí sin.
Tá Plean Teanga na nDéise le fáil ag www.deise.ie/pleanail-teanga agus tá sonraí an phoist le fáil ANSEO.
Seoltar iarratas mar aon le Curriculum Vitae trí r-phost amháin, roimh Dé hAoine, 18 Samhain chuig:
